1. Pilt

Lait: Neina , Piabl ...

Lois , Hias , Häar Pforrr...........

Dr Neina ( olt ,hot haifi miggmocht , rett epfiil,drzeilt oubr in Piabl )

unz Piabl ( woas epfiil , hot oubr intSchual amoul eppas käart )...

· Neina Iaz kimm lai häi dou zu miar .

Wia ischasdr denn gongan intSchual , hopps eppas gläarnt ?

Piabl Ajou , Neina , dr Läarr hot inz fo friar,

wissz fodr Säastauching , drzeilt .

Oubr olz honni et frschtonnan .

Neina , eis hopps mr äi schun long nicht mäa drzeilt ,

wissz eis kennzas pessr wia dr Läarr .

Neina Wous willtsch nochr wissen , mai Piabl .

Piabl Dr Läarr hot gmoant , eis haitaz amoul gsott awäkkgäan fo dou.

Schtimmp säll ?

Neina : Gsott ...mai gsott .... hattmr schun eftr ... awäkkgäan .....

Oubr i , i pin olm pliibm . An olta Larch prachts um, wennr miasat awäkk.....

Hälm hot tNandl aanou gläpp, mai Piabl, unzell war anet gongan...

Gwässt ischas asou , iaz willadr groud drzeilan...... .

Graun , affnoubat affn Pankl fourn Haus ..........

Lois longsom , Hias - a Loamsiadr , Pforrr – will epfiil wissn

Lois ( longsom , mäa mitiim sälbr )

Assas amoul asou wait kemman tat , hattamr iaz anet denkt.

Iaz gäi decht pol in sächzigschta un miasat anou mai Hoamatli frlossn, fonolz drfonschpringan sotti ?

Iaz woumr äarscht in nuia Schtoll unz Ressl grichtat houbm , assi nimma mitr Mein fourn muas .

Hias ( mitr Pfaif ….kamott )

Awass , wous retschtenn haint oubr häi ?

Iaz häll war decht gozdrparmala , saimr nou Lait oudr  saimr koana Lait mäa ?

Lois Unt fo gourollz drfonschpringan sottma .

I woasmr gach gourkoan Rout mäa . Ausi sottmr , in Raich ausi ……..

Hias Aa , häll ischt eppas ondrscht .......

Owoul afft oa Sait .......Hoscht et käart wous tLait pon Rainhartl asou oureidn ?

Lois Wous rettma nochr sälm , du woascht jo , in

 Goschthaus

gäi kam amoul - kenntscht mi jo - ........

Hias Jaaa ..... ganaus woas ma nou nicht ........

Lois Iaz wous denn , iaz tua schun firrr , Loamsiadr

 woll Loamsiadr .

Hias Iaz kimmp groud dr Hoachwirdn , äir hot iaz aa Fairoubat.

Frougmr iim , fiilaicht woas äir mäa .

Lois Grias Gott Hoachwirdn .

Pforrr Grias enk Gott . Du Hias , du woascht a wia i hoas .

Hias Grias Gott Häar Pforrr , hukknz häi dou , iaz wäarnzis

nimma asou gnäati houbm !

Pforrr Wous ischtenn mit enk lous , eis schaugsmr gour asou

ellatla unt siri drin, eis hopps jo anUurasa a gopfirrchtrla ?

Lois Miar houbm lai käartt , wissnz in dia Tag wäart haifi grett ...

Hias Wissn sie aigatla mäa wous dou ollz gäan sett ?

Pforrr Wous moanz iaz , moanz eis deis fodr Opzioun ?

Lois Jou genau säll !

Pforrr Ja , deis fodr Opzioun , sälm miazenk iibrleign , oubs

douplaibs oudr oubs in Raich ausiwellz . Unteis nou huir .

Lois Huir nou , an setta Gnäat honi iaz nou nia kett .

· Hias Mai schäanz Heifl , fon Foutr gerp , mai Hoamat sotti frlossn .

Na , häll wäart gwiis epassiarn , zun sälla pini Graundr zfiil !

· Pforrr ( schtäat auf , will gäan ........ )

· Lois Plaibms lai nouapissl , Hoachwirdn ! Sii kennan inz äantr

apissl auftaitschn !

· Pforrr Wous i woas , isch epfiil.I woas lai as deis et soanschti

ischt . Oubr iibrleign miaszas enk schun . Entweidr plaips

dou oudr gäaz ausi . Pfiatenk Gott !

· Pforrr ( schtäat auf ungäat )

· Hias& Lois : Pfiagott , Häar Pforrr !

· Hias Häll hatti iaz aanou frschtonnan . Entweidr - oudr .

· Lois Wissn tiamr iaz glaichfiil wia zäarscht ! Oubr wous hottr eppr

gmoant deis sai et soanschti ? Wous war nochr dou eppr nou ? Gopfirrchtrla Zaitn sain deis , oudr et ?

· Hias Gmoant hottr wourschaindla deis mittn Schtauchsäa .

Säll sott nochr woltapol aa asouwait sain . T äarschta

Inschaniar haima schun aff Reschn dert unt af tHoad drfour gsäichn . Dr Waltsch well jo dein Schtauchsäa mochn .

· Lois Wia an Schtauchsäa ? Wou eppr , unt firr wous ?

Wäartr et wellan suiniga oubr ouchischwenzn poLoch ?

· Hias Naa , häll gwiis et . ( locht )

Oubr iaz in Äarnscht ....... an Schtauchsäa firrn Schtroum .

Iaz woasch woll nou , wenn s äarschtmoul dia Piirlan prennt hobm , onna drai . Firr miar ischas gwässt wia Wainachtn . I hon gmoant tSchtäarn sain ouchrgflougn , eppas rossaz ….

· Lois Iaz häar lai auf inztunkn....... i pin jo a drpaigwässt .

· Hias Wou pinni iaz schtäanpliibm .........

· Lois Woll po dein Schtauchsäa .........

· Hias Inzr Mittrsäa untr Oubrsäa settn mitEngr ...

ollz sett lai mäa zunoan Säa wäarn . Asou hottma eppas munklan käart.

Oubr wia gsogg wissen tuatma gour nicht .

· Lois Du woascht ollm fonolz apissl oubr ganaus woascht

a nia nicht .Untr Pforrr hott inz a lai in Umgwiisa glott .

As ischt zun räarn . Unteis aff maina olta Tag aubi .

Pfiati Hias , nicht firr unguat .

 

Fiirhong